Tras perder o partido máis importante da súa vida, un mozo de dezasete anos aparece morto por mor dunha terrible malleira. Non hai testemuñas nin probas que sinalen aos culpables, aínda que os recentes enfrontamentos entre o Zayas e o Távora apuntan a que se trata dun novo episodio na escalada de violencia entre ambos os centros. Só dúas persoas próximas á vítima posúen as claves para desentrañar o sucedido: Quique, un dos seus compañeiros de clase e membro do seu mesmo equipo de waterpolo; e Emma, unha psicóloga contratada polo club para asesorar aos seus xogadores adolescentes. Ambos compartirán a súa visión duns feitos sobre os que pesan demasiados medos. Demasiadas pantasmas. Demasiados silencios. Só se se atreven a gritar dunha vez canto calan poderán descubrir a verdade.